عشره نحب وعشرة نكره : الجوزاء

عشرة نحب في برج الجوزاء ..

١- نحب خفة دم #الجوزاء اللي تشفع له نص المصايب اللي يهببها

٢- نحب قدرة #الجوزاء العالية على التكيّف بأي زمان ومكان والله لو تحطونه مع الهنود الحمر وتتركونه ٥ دقايق ترجعون تلقونه صديقهم وماخذ أرقامهم

٣- نحب ذوق ولباقة #الجوزاء مع البشر حوله بمعنى : يعززّ للكل ويتحملهم ويعطيهم جوهم يتحمل سماجاتكم ويتفاعل مع مشاكلكم وكلها من صبره وطاقته ..

٤- نحب لسان #الجوزاء الحلو ترتيبه وتصفيفه للحكي ، طريقة إقناعه الجوزاء أفضل مغازلجي ممكن تصادفه ويحسسك إنك فلتة زمانك بس لوقت محدود طبعاً

٥- نحب طاقة #الجوزاء اللي تنتشر بسهولة بالمكان مجرد ما يدخل تحس حيوية وإيجابية يضحك مع ذا ويسولف مع ذا شخص بمهام متعددة بوقت واحد كيف؟ مدري

٦- نحب ثقة #الجوزاء بنفسه لو إنه شين (وهذا شيء نادر) إلا ما تلقاه واثق بعمره ثقة عجيبة تخليك تشوفه جميل غصب عن عين أهلك

٧- نحب نفس#الجوزاء الحلو بالطبخ لو يسوي لك قهوه بس ! تحسها تفرق عن غيره عاد اللي عنده جوزاء كل اللي عليه يرّفع فيه وبطبخه وهـ يشوف العجب

٨- نحب جرأة #الجوزاء بالتجارب الجديدة ماعندة عقدة التردد زي بعض الناس  تلاقيه الأول دايماً بأي تحدي أو مخاطرة قلبه قويّ غالباً

٩- نحب هدايا #الجوزاء صدق الشخص ذا يبدع بالهدايا ويتكلّف فيها ودايم له طابعه الخاص اللي يفاجأ ويسعد الغير وصعب تنسى هدايا الجوزاء صدقني

١٠- نحب أجسام #الجوزاء الرشيقة غالباً على قد ما ياكلون أكل إسم الله عليهم نادر تلقى شخص دبّ فيهم وغالباً أطرافهم أنحف من بقية أجسامهم

عشرة نكره في الجوزاء

١- نكره إزدواجية #الجوزاء كل يوم برأي كل يوم له حال ، كل يوم تتغير أفكاره اللي كان مؤمن فيها قبل تخليك تفقد الثقة بقراراته وبثباته عليها

٢- نكره مزاجية #الجوزاء اللي ممكن تكون سبب بإبتعادك عنه يوم يقابلك يرفع فيك سابع سماء ويوم يطالعك ولسان حاله يقول : نعم يبوي؟ تعرفني؟

٣- نكره فوضوية #الجوزاء بأي مكان يجلس فيه ما يلتزم بالقوانين العامة غالباً حتى لو الشي ممنوع يحاول (يتملق) لحد مايحصل عليه بشكل أو بآخر

٤- نكره صفة أبو وجهين اللي #بالجوزاء يسولف معك وهو يكرهك ثم إذا أقفيت قطّع جلدك طبعاً هو بيبررها بكلمة أنا دبلوماسي ولبق لازم أكشر بوجيهكم؟

٥- نكره عين #الجوزاء الطويلة للي بإيد غيره ما يحلى له اللي بيده إلا إذا فقده ودايم عينه على اللي مع غيره يبيه سواء فرص – وظائف – علاقات

٦- نكره حب #الجوزاء للحش والقيل والقال رويترز متنقل إنتبه تأمنه على سر خاصة (عطارد) الجوزاء يوووه مايرتاح إلا يقولك كل اللي عنده

٧- نكره عصبية #الجوزاء اللي تخليك تنصدم منه ياخي عليه عصبية تروّع  والعصبية تهون عند لسانه اللي يرمي عليك قدائف ومتفجرات تكره نفسك بعدها

٨- نكره الكذب اللي بـ #الجوزاء حلو وكداب ليه سدقتو  لا صدق الجوزاء مستعد يفلّم عليك بشيء ماصار لأن مخيلته واسعه وإسلوبه مشوّق وإنت بتصدقه

٩- نكره ترفيع #الجوزاء بنفسه ياخي شفيك إنت؟ إنتظرنا نمدحك طيب لا تطيح بنفسك مدح وتغزّل  إصبر شويّ

١٠- نكره سخرية #الجوزاء اللاذعة من غيره طبعاً يسميها مدح وضحك وليه نفوسكم ضيّقه وعادي واهو كلام طاير بالهوى لا معليش أنا موب على كيفك ياخي

إنتهى