عشرة نحب وعشرة نكره : الأسد

عشرة نحب في برج الأسد ..

١- نحب تميّز #الأسد بكل شيء يحرص إنه دايماً يظهر يهدي يتكلم يناقش يلبس يعمل بشكل مختلف يكره يكون نسخة من غيره ويحب يتميز بشيء خاص فيه جديد

٢- نحب شخصية #الأسد القوية اللطيفة بنفس الوقت البقية يجونك فاهمين قوة الشخصية غلط بالتكشير والغموض لكن الأسد جمع بين قوة الشخصية واللطف

٣- نحب طلّة #الأسد والكاريزما الخاصة فيه (أساسي-طالع-زهرة) طريقة مشيته – راسه المرفوع فوق – ظهره المستقيم تحس إنه مودل ويمشي بال Runway

٤- نحب دلع #الأسد العفوي (الأنثى) بدون تكلّف ولا إدعاء حتى الرجل يكون ألطف من بقية الرجال و أكثر تفّهم للمرأة + يقدس الأنثى الدلوعه الطفلة

٥- نحب تقاسيم #الأسد الناعمة الكتكوتة كذلك الرجال وسيمين و بيبي فيس قاسمهم المشترك النظارات ! غالبية الأسود عيونهم خربانه يمكن من البصبصة

٦- نحب بـ #الأسد حبه لمساعدة غيره فعلاً الأسد يهتم بنفسه أولاً ولكن يهتم جداً بتطوير غيره ومساعدتهم وتطويرهم وتحسينهم و عمل makeover لهم

٧- نحب بـ #الأسد ثقافته الكبيرة وحبه للقراءة يقدّر المعلومات والناس المثقفة اللي تعرف وش تحكي عنه يكره مدعين الثقافة ومدعين العلم

٨- نحب بـ #الأسد تدليله لشريكه .. الشريك الأسد (زهره) دايماً يحسدونك الناس عليه لأنه مميز+ يشرّفك قدامهم ويرفع راسك + يدللّك ويعطيك كل حقوقك

٩- نحب حرص #الأسد على الجودة والأصالة يكره كل أنواع التزييف بما في ذلك الخداع الكذب التقليد النسخ المكررة الإستغفال الإدعاء صاحب مبدأ ونظيف

١٠- نحب طيبة #الأسد ونقاءه وصفاء قلبه ماعنده الحقدد ولا يملك قلب بعير (مش حقود) يحب الخير له ولكل الناس وينسى الإساءة ويسامحها قلب طفل

عشرة نكره في الأسد

١- نكره هياط #الأسد بكل شيء شرينا رحنا جينا سافرنا ماعنده سوالف إلا إنجازاته وسفرياته وقد إيش هو غني ومريّش والناس يحبونه ويمدحونه

٢- نكره غيرة #الأسد الكبيرة على حبايبه وأصدقاءه وغيرته من أي شخص أفضل منه بس تشوف الأسد مايكلمك ويتجاهلك تأكد إن طاقته الغيرة منك

٣- نكره تعالي #الأسد أحيان وشوفة نفسه فعلاً منظر الأسد يمكن يظلمه وهو طيب وكذا لكنه متواضع بمزاجه مع ناس وناس نظام قيرانييين من المليكاا

٤- نكرة ذوق #الأسد الصعب اللي مايرضيه شيء ممكن تتكلّف إنت وتجيب كل اللي تقدر عليه بالنهاية مايكون (قدالمقام) ولا يعجب حضرته طبيعي لاتزعل

٥- نكره أنانية #الأسد نظام أنا ومن ثم حضرتنا وبعده أنتم  عادي تلقى الأسديّ أهم شي يدبّر عمره وياخذ حقه وبعدين يتفضى لكم ويقسم كل شيء بينكم

٦- نكره نظام لاعبوني وإلا بخرب اللي عند #الأسد مثال : إمدحوني وإلابقول غيرانين مني علموني أسراركم وإلا بترككم دلعوني وإلا بقول تغيرتوا علي

٧- نكره فقرة المراية اللي عند #الأسد عند كل مرايه تلقاه مرتزّ يكلم عمره ويتبوسم لو هي مراية مطعم وقف قدامها يتميلح شويّ  معجب بنفسه يحياتشي

٨- نكره البصبصة اللي عند #الأسد لو يموت بحبيبه أو شريكه إلا تلقى عيونه متر قدامه المشكلة يطالع ويتبوسم تقوله خير تطالع فيه يقول هاه من قال

٩- نكره ثقالة دم #الأسد والله صدق يالأسديين ترى السالفه مهيب غصب! لاعاد تتسيمجون الله يرحم والديكم إنتم كويسين والله بس دمكم ديزل

١٠- نكره عدم إعتراف #الأسد بالخطأ لو تموت مايعترف بالغلط اللي سواه ممكن يعوضك يدلعك ماديا معنويا بس تسمع إعتذار منه؟ هه إحلم بس

إنتهى